KȚP SÂM

I. I nu leh i pa chawimawi rawh
ATM booth an ni lo!
Nalh taka i len lai khan
Hah takin hna an thawk a,
An nalh ve si loh chuan,
I nalh tluantling thei chuang lo.

II. Hna thawk la, intodelh rawh
Hnathawh hi zah tur a ni lo,
Phone hmai hlaipui pui neiin,
Social Network tuipui viau mah la,
Top up man tur i neih loh chuan,
I phone hmai a hlai thlawn a ni mai!

III. Incheina aiin nungchang a pawimawh zawk
Kylie, Lakme, Maybelline,
Levi's, Zara, Blackberry
A 'cial ber ber inbel mah la,
I incheina ai khanin
I nungchang kha a pawimawh zawk.

IV. KȚP member i nih kha
Dik tak leh fel takin nung la,
I chhas te lawmna ai chuan
Chung lam lawmna um zawk la,
Nupui pasal neih hma chu
Zun nân chauh hmang phawt mai teh.

V. Active member nih a har lo
Inkhawm, hnatlan, fellowship,
Committee, sum tuak leh group nite.
I hman châng chângin tel la,
I hman loh chhan erawh eng nge?
Chhuan lam ho tê tê siam suh.

VI. Rawngbawl tura chhandam kan nih kha
Chhandamna changtu i nih kha,
I tihtur chu Pathian rawngbawl,
Mahni, chhungkua, khawtlang, kohhran
Ram leh hnam  damna turin,
Tu nge kal chhuak ta ang le?
Nang lo chu an awm chuang lo.

KȚP member 'Țang fan fan'