Tlangin an sel e zaktheilo tiin,
A hlimthla lêng an theh darh a,
A hringnun rêng an dâwnpui lo;
Uire nu iang a chan riangvai,
Hnemtu a vai lunglai a phâng.
Mipui chanai eirute chu
Kan sêl ngai lo kan dem phal lo!
Biak bûk lailum kan luahtir a,
An kam chhuaktin 'Amen' kan pe.
Harh rawh Zoram i tlai ang e,
Dikna, felna, rinawmnate
Tharin lo vul zual se kan ram tluanin;
Muanna leh remna kan chan hi
Zalenna nen i chen zawk ang.
No comments:
Post a Comment