Another day is yet over
And you come to me more closer
Feels like I'm a winner!
So for now the tide is high
In my heart to the deepest mind
You are like a shooting star.
Riding you home in the night dawn
Makes me feel all alone
All I need is your comfort.
My shooting star comes back to me
I pray to thee down on my knees
Till we meet I'll live my dreams.
Harh r'u, hrai chawi leng a piang e,
Hlim r'u, senlai nau a țap e.
Lawm r'u, hringfa zaleng kan pung e.
Harh r'u, thihnain thla a zar e,
Hlim r'u, chatuan siang a lawi dawn e.
Lawm r'u, van khawpui zaleng an pung e!
24th Nov 2015
LILZO LEH A HLATE
-fela ngente (6th July, '16)
Literature lam zir tih takah thu leh hla tam tak, kan mita kan hmuh leh kan benga kan hriatte hian hlimna min thlen châwk.
Fam Lalzova hla chuam 'Mangțha mangțha' te khan thinlung a fah narawh e. Mahse, tun țum chu Lalzova ni lovin tunlai Mizo hla chham mi (rap) phuahtu leh chhamtu (rapper) lar em em Lilzo zawk hi belchiang dawn teh ang.
A chanchin sawi tur ka hre lo va, Dinthar tlangval a nih thu erawh tlang kam ațangin ka hre thung. A hla ațang hian a mizia tur awm ang chu a chhui dawn theih awm e, rinthuin pahnih khat lek tarlang teh ang.
*Hmangaihna* la na mi leh mi thikthu chhia a ni. Khai mah aw, 'Ka țhen thei lo' tih hla tlar țhenkhat hi han chhiar teh:
Duh ber tawn nan chuan bei nge sei run dung?
Ka tawn niin a phu rang hle mai ka lung
Inthen thei hian kan mawi lo,
Min duh thu au chhuahpui turin a aw a zawi lo,
Ka ngai thei lo kan inkarah mi dang an inrawlh.
Beiseina nena nghak fan fan mi, Mizo te lui pawimawh em em, Burma rama lui sei tak Rûn lui meuh ai pawha sei leh thui beiseina nei ngam zak kha a ni ve a! Rapper a nih avang maiin mi aiin a pa fâl bik lo va, a duh em em a tawn ni chuan a zam ve hle a ni ang a lungphu pawh a rang em mai!
*Feminism* lam tuipui mi tak a nih loh vek pawhin Pathian thilsiam zinga mawi ber hmeichhiate dah sângtu tak a ni tih a hla țhenkhat ațangin a hriat theih. 'Duati' tih hla leh 'Ka țhen thei lo' tih tlar khat lek ve ve thlir leh ila:
Zingkar chuan a hmelțhatna a hliah lo!
Siamtu zah lo nise a kimtlang chapopui tham!
Zingkara hmelchhe țhin chu tu te nge ni ta ang? E le, chhun leh zana inlâr țhin nula ngo pui pui, kimtlang hnawih hlo chi tinreng hmanga sakhmel original hliah țhinte kha maw le! An zing tho hmel a hmuh tlak loh niin an sawi țhin.
Lilzo-a bialnu chu a țha bawk a niang, zingkarah pawh a tho paw heu mai ni awm tak a ni. Chu mai a ni lo, a siamtu Pathian zah lo ni se la chu chapopui tham zu ni hial a! A la duh tawk mai lo, 'Min chhuahpui rawh' tih hlaah khan:
Lenrual zingah i langsar nalh,
Biak loh hlau chein kan buai rap.
A rhyme a mawi tluk zetin a nula pawh hi a hmelțha ang tih a hriat ngawih ngawih.
*Rhyme* sawi takah chuan ani hi Mizo rapper zinga 'Zo' tak sia rhyme nei țha ber pawl a ni hial ang. 'Ka natna i chhawk' hla chang khat lek hi chhiar leh chhin ila:
Leng dang thlang lovin duhawmna tinrengin a bawm
Duhlai a ni asin ka dawm, țhangtharte'n an lawm
Duhsakna ka hlan e keipaw'n, ka mamawh a hria
Ka dila min rawn hawn
Pàr chhuah a ni asin, lengzawngte'n an lawm.
*Duhsaktu leh hmangaih* te tana nun kawng dik zawh ngam mi huaisen a nihzia a hla 'Duati' ațang hian a lang bawk a. A hnu khar nan hmang zui ang.
A tak ram thleng turin eng nge ka tan tih hmabak?
Ka thlentir lo vang țhenkhatin an nupuite an mák
A țha lo, zahpah nei lo va rûnah zû an lak
I tan rinawm turin min atchilhho ka paihthlak,
Han ni thei la aw ka aw ngeia ka auh phak
I hmanhmawh viau loh chuan min lo nghak
I chhuahpui nih ve hrim hrim hi ka chak
Dinhmun sang min pe ve la i ngaihzâwn
Buaina leh harsatna i tawh nia i râwn.
Khawvel thiamna hmangin i hringnun dam hun chhung chu pawh sei theih ni tawh lo mah se,
I thlarau chuan i lei taksa thâm ral mai tur chu chhuahsan châk zek zek tawh mah se,
Chung lam kohna chhanga chatuan chawlhnaa siang lawi turin koh mek ni tawh mah la,
"Van nuamah chuan kan intawk leh dawn a lawm" i tih phawt chuan lung damin ka thlah ang che.
I tel lo hringnun erawh hlimawm viau turah ngai bik lo la.
=========================================
I entered the room
Sat by your bed all through the night
I watched your daily fight
I hardly knew
The pain was almost more than I could bear
And still I hear
Your last words to me.
Heaven is a place nearby
So I won't be so far away.
And if you try and look for me
Maybe you'll find me someday.
Heaven is a place nearby
So there's no need to say goodbye
I wanna ask you not to cry
I'll always be by your side.
Aug 14. 2016
He khawvelah hian chhan neiin i piang a, a chhan erawh i dam chhungin i hre kim hman kher lo ang.
Tu emaw tana malsawmna thlentu tur i ni thei a, mi zawng zawng tan erawh malsawmna i ni vek kher lo ang.
I hun kal tawha i thil tihsual avangin i nâ a ni mai thei, chu thil vanga hma lam hun tihchhiat vek tum erawh a țul kher lo ang.
Hringmite venghim tur hian van Angel sang tam tak an awm a, a chang chuan hringmi zingah vek hian i tan Angel an awm tih i hre kher lo ang.
Mahni insitin lungngaiin kun reng mah la, lei mihring zingah hian i nihna anga pawmtu che an awm ve reng tih i hre kher lo ang.
Famkim lo leh țha lo bik ni-a inhriaa beidawng taka i awm lai khan mi zawng zawng hian thil an tisual vek tawh tih i hrechhuak kher lo ang.
Khawvelah hian thil siam chhiarsen loh hmuh tur an awm a, mahse Siamtu'n a bik taka a siam che i ni tih i inhre kher lo ang.
I hriat loh zawng zawngte hi hriatchhuah chang i nei ang a, hriatreng tuma i bei lo a nih chuan chatuan chawlhna i chang kher lo ang.
2015. 14th Nov
