SO THIS IS CHRISTMAS

Hei le, khawvel chhandamtu piancham a lo her chhuak leh ta, kar lovah kumsul khat chu a lo vei leh ta reng mai. I hun liam ta te kha thlir la, chona thar nen hmatiang sâwn zai rel rawh le

So this is Christmas
And what have you done
Another year over
And a new one just begun

-----------------------------------------

He hun lawmawmah hian lenrual lungduh zawng zawngte, a pui a pangin hlim taka awm turin duhsakna ka hlan a che u.

And so this is Christmas
I hope you have fun
The near and the dear one
The old and the young

--------------------------------------

Krismas leh kumthar duhsakna chibai ka buk che u a, he hun hian thil țha leh lawmawm lo her chhuahpui mawlh rawh se. Hlauhnain kiansan che sela, thlamuang takin hmang ang che.

A very merry Christmas
And a happy New Year
Let's hope it's a good one
Without any fear

--------------------------------------

He hun lawmawm hi mi chak zawk leh bawrhsawm zawkte tân a ni ang bawkin mi hausa leh rethei pawh chhandam vektu pian cham a ni asin. He khawvel hian chu chu a pawm thei si lo!

And so this is Christmas
For weak and for strong
For rich and the poor ones
The world is so wrong

--------------------------------------

Krismas chibai le, tumah innghirngho tawh lovin hringmi leng zawng zawng zingah remna lo thleng sela; mi ngo, mi háng, vun eng leh vun sen zawng zawngte lungrualna ni chu.

And so happy Christmas
For black and for white
For yellow and red ones
Let's stop all the fight

-------------------------------

A tawp nan hei hi lo hria la - i duh phawt chuan inhuatna leh itsikna te paihthlain i khawvel hman mek chu remna leh muanna thlenna hmunah i siam thei asin.

War is over over
If you want it
War is over
Now...

KHAIKHIN

Kâwn chei mawi leh rethei țanpui,
Rim taka thawh leh zan inkhawm,
A enga mah hnual suat lo la,

Kâwn chei aiin chu chu a țha,
Inkhawm inkhawm ai chuanin
Mahni hnaa rinawm a tawk

Tiin kawng khat chauhin thlir lo la,
Rilru thlamuangin hahdam se
Țha leh țha khaikhin fo suh!

P.Y.M.K

Ka scroll a, i lo lang, ka wall-ah
People you may know a lo ti!

Ka scroll a, i chho a, chung lamah
Thinlungin ka hmu leh châk a ti!

Ka scroll a, i la awm, a ngaiah
Rilruin profile check ang a ti!

Net a muang, a in-load, rei ka ti
Phone screen a thim, password a ngai!

Ka hawng a, ka hmu che, chiang zawkin
Ka bih zel, ngun takin, is single!

Ka add che, ka mu a, ka dream che
Zing thawhin, phone ka check, i lo confirm.

Ka open, messenger, Thank you ;) ka ti
Reply lo, ka thinrim, i hring reng si!

Ka scroll a, i profile, ka phu zawk!
In a relationship with... a lo ti!

NILEN NUAM

Zing țian bawhar pau tur awm ta lo chu,
Laikhum thlehnem puan ka bel rei;
Ritleng suih loh biak hlatna lo ri,
Uai! A va'n mawi ngai em lengi aw rawl,
Val lungmawl thinlai a nghawr dut dut,
Hmeichhia a zawnga nunnem ber chuan,
Anka nem min hlan tuar a har ngei.
Bawih biak mah ni suh se kei ka tan zawng
A thlum lua e nilèn tinuam a'n.

HARH RAWH

Kan duh angin kan puang
Dik ber nia inngaiin kan uang
Lam țang siamin kan zauh kan huang
Dikna aiin kan ngaihdan kan chhuang.

Kan sawi kan sel zaleng zingah
Ngaihdan min țawm lo tute kan hlat
Thu dik zawng lo inngaihlu an tam
Țha ber duh, tum rama chiang si lo.

Harh rawh ka țhian harh hram rawh.
Chiang mang lo va sahuai thing vawn
An ching tawh lo an changkang tawh
I lung dam lo mah se dikna a fam lo ang

11th dec. 2016

LEHKHATHAWN

Duhtak,

Ka tawn tirh che khan boruak leh thlifim leng vel hi an chawl țhupin ka hria a, he khawvel mi tam tak zinga fapa tlaktlai lo pakhat tan hian i hlutzia sawi thiam chi niin ka hre lo.

An sawi țhin hmangaihna chu lui te tui luang ri hiau hiau ang mai leh fur khaw thian lai taka vana arsi de sep sep ang mai hian thinlungah hian a lo inlâr ve mai zawk a.

A chang chuan ka ngaih em avang che hian ka ring tawk lo țhin che a, ka thinlunga khatliam hmangaihna hian a chím san em avangin ka insum zo lo țhin.

Hmangaihtu thinlunga khatliam chu hrethiama ka sawmna tlawm tak min chhan ni khan van khawpui pawh khian min lawmpui avangin tian dar rimawi an khawng ri ve hial hian ka ring asin!

Kha leh chen i telloa hun ka lo hmante kha ka ngaihtuah a, tun dinhmun min hruai thlengtu an nih avangin kha'ng hun khawharte kha ka dem phal hauh lo.

Ka suangtuahna leh hmalam hun atana ka beisei chu nang mahah chauh tihfamkim theih a ni tawh. An sawi țhin hmangaihna lipui chu hêl tum pawh ni ila beidawn tawpah khup chen tal dai a ngai an ti a, tunah erawh i chhingmit meng mawi tak kha tuar zo loin tlak hlum huamin chu lipuiah chuan ka lo tla lût ta si! Chhuahna kawng awm tawh lo mah se nangnen kan awm dun dawn a nih phawt chuan chu lipuia pil dun mai pawh chu ka hnial lo ang.

Hmangaihna pâr tlana damchhung hun hman dun chu ka duhsam ber a ni a, he thinlung riangvai chhawmdawl tura i anka nêm i hlan ațang khan hlimna leh thlamuanna i pe a. Chatuana tan chuai ngai lo tur hmangaihna ka hlan che angin i chhanna aw mawi chuan chatuan a nghawr ve ngei ka la beisei fan asin.

Nangmah hmangaih em emtu.

8th dec. 2014