Mit leh mit a intawng țêk chhuai,
En vung vung a rem lo,
Ka melh sawn daih!
Min lo la en em le?
Ka melh leh zeuh,
A țêk leh chhuai!
Pawh ngam si lovin
En vung vung rem lo kha,
Ka en ta tlawk tlawk!
Ka sawm huaisenna
Ka lama țanga
A hnen min thlen turin.
Huaisenna derdép
Khawi mah thleng zo lo
A lam hawia kiai-sukin
En vung vung rem lo kha,
Ka en ning thei lo!
Ralkhat ațang chauhin
Ka chhai ngam ve a
A mit meng mawi kha
Ka en țha ngam lo a
Mit khap kar lekah
Kian zai a rel ta
En vung vung rem lo kha,
Ka en zui vawng vawng
28/7/2017
No comments:
Post a Comment